兔年將至,機場快綫旅程好Buddy「機鐵仔」特別炮製《飛得去旅行》賀年版MV,與聲演機鐵仔嘅Ivana王菀之一齊帶大家展開新春之旅,並送上連串獎賞,與大家歡度佳節!

新春賀歲第1擊:免費下載王菀之x機鐵仔兔年限定貼圖

於2023年1月19日(年廿八)起,大家可以上MTR Mobile免費下載一系列王菀之x機鐵仔兔年限定WhatsApp Stickers,率先發送搞笑貼圖同親友拜個早年,祝願大家新一年可以飛密啲、飛遠啲!

王菀之x機鐵仔兔年限定貼圖

新春賀歲第2擊:機鐵仔大派限量版禮品

機鐵仔亦會於2023年1月19日(年廿八)至21日(年三十),快閃現身機場快綫香港站及青衣站,以兔年造型同財神大派限量版禮品,與大家歡度新春。記得mark定日子約埋朋友一齊同機鐵仔拜年兼攞禮品,數量有限,派完即止。

新春賀歲第3擊:賞你MTR分兌換心頭好

MTR Mobile登記用戶於2023年1月16、18及20日(星期一、三、五)參加「港鐵即時賞」並答啱有關《飛得去旅行》賀年版MV嘅問題,每次即可輕鬆賺取100 MTR分,三次夾埋總共300 MTR分,更快兌換心儀禮品開心過新年!

新春賀歲第4擊:低至500 MTR分兌換機場快綫車票七折優惠

於2023年1月16日至2月5日,MTR Mobile登記用戶亦可以500、800或1,000 MTR分,分別兌換機場快綫青衣站、九龍站或香港站嘅車票「七折優惠碼」。經MTR Mobile或港鐵網站輸入優惠碼,即可以七折購買機場快綫成人單程票一張,車票更可於購買日起92天內使用,新春期間或之後出行都啱用!

另外,唔好唔記得,由即日起至2023年1月29日,三至十一歲嘅小童使用有效小童八達通可免費乘搭機場快綫由香港站、九龍站或青衣站往返機場,而六十五歲或以上嘅長者使用有效樂悠咭或長者八達通,亦可享半價優惠!

機場快綫新春賀歲一覽:

2023年1月16、18及20日 睇《飛得去旅行》賀年版MV答問題拎MTR分
2023年1月16至2月5日低至500 MTR分兌換機場快綫車票七折優惠
2023年1月19日起免費下載王菀之x機鐵仔兔年限定WhatsApp Stickers
2023年1月19至21日機鐵仔快閃現身大派限量版禮品

機鐵仔快閃日程:

2023年1月19日 (下午3時至5時)機場快綫香港站
(往返機場/博覽館月台閘內)
2023年1月20日 (下午3時至5時)機場快綫青衣站
(往機場/博覽館月台閘內)
2023年1月21日 (上午10時至中午12時)機場快綫香港站
(往返機場/博覽館月台閘內)

【Follow我地睇更多吃喝玩樂、飲食旅遊資訊情報!】
Instagram – holidaywins.hk
Facebook – holidaywins.hk
如果有任何得意有趣既相片、吃喝玩樂既好去處等,又或者有關飲食旅遊和生活題材嘅新聞稿都非常歡迎透過Facebook inbox或電郵同小編分享~
電郵聯繫:info@holidaywins.com.hk
廣告合作:sales@holidaywins.com.hk